سینی کوزلب "مقصدیم" بی خانمان بولدیم بوکون
بی کس و بیچاره، بی نام و نشان بولدیم بوکون
هر قره شدن طعنۀ تیرینگ باتر قلبیم گه، آه
تیز کیتیب، دومتیب یقیلگن کاروان بولدیم بوکون
قویمه گی راحت دمی کورگن عذاب و رنج لرینگ
کوچسیزلیک چولیده سرغی گن سمان بولدیم بوکون
قنچه لر اوتکن بو تقدیر سایه سیده قان یوتیب
کعبه یولیده شهید آرمان بولدیم بوکون
ملتيم، اولكم دييب
آقدي قيزيل قانينگ شهيد،
شوكتيم، شآنيم دييب
چيقدي عزيز جانينگ شهيد
كيتمه گي تيكين گه اصلا
قان و جانينگ ذره هم
اوشبو يولداشلر بيلن
اولغي گي ارمانينگ شهيد
چقنه قوياش،
پارله قوياش،
بوتون عالم گه
ياغدو ساچ!
كتته - كيچيك گه
كوكسينگ آچ!
يولدوزلر بيز بيلن يولداش!
يولدوزلر بيز بيلن يولداش!
قچان؟
مین،
سین،
او،
بیز بولر میز؟
قچان؟
من- من،
سن- سن دن
قالرمیز؟
اوشنده کی
مین و سین،
بولمه سک!
قاره تون
بغریگه چومگن
هوا،
هوس،
سیس،
نفس،
بوغزیگه بوغگن.
دینگیز
صلابتی
ساکنلیک توتکن.
قنی یارقین چقماق؟
قنی تیز شمال؟
آغر هوانی
آقدیرسه
ساکن دینگیزنی
چاقدیرسه،
آپ آق قارنی
ییرگه
چوکدیرسه
مهربان!
یادینگده می؟
کیپریگینگ قلبیم گه
تیر اورگن کونی
باقیشینگ روحیم گه
سحر سورگن کونی
مین بوتون دنیانی
سین دیب، کورگنده
هم خدا، هم قبله
سین دیب، یورگنده
بی خبر حالیم گه
کولدینگ بیر دمی
ققشه گن قلبیم نی
یولدینگ بیردمی
مین یتیردیم
هم سینی، هم سیوگینی
هم امید، هم آرزو،
هم تویغونی
ایسته می من سیوگی
سیندن مهربان
ققشه گن قلبیم نی
قیتر، بیر امان
قلبی تولگن
بیر کتاب من
قولگه آلیب باقمه دینگ
چقنه گن اینجولریم نی
سین قولاققه
تاقمه دینگ
نقطه نقطه،
سوزمه سوز
چنگ فراققه
باتدی دل
صفحه صفحه
کوز آتیب
سوز دلیم نی چاقمه دینگ
طاقتیم تاق بولدی
کوزینگ گه ایلینمه ی
بیر دمی
نی اوقیب دردیم نی بیلدینگ
یا الو گه یاقمه دینگ
2009-07-04
حیات کوره ش،
ممات کوره ش،
جان کوره ش،
سین کوره ش اوچون توغیلگن پالوانیم.
هوا کوره ش،
بقا کوره ش،
نان کوره ش،
سین کوره ش بیلن بوغیلگن پالوانیم.
بيل اوریب بیشکن، سین
دهقان باله سی!
ییلدیزینگ یَیره گن،
یغاچ یاله سی!
سین بیلیب چیققن کوره ش میدانیده،
سین کوره ش گی سن، کوره ش دورانیده.
قیلمه گین پروای جان و آب و دان،
کوتمه گین کوچ باشقه لردن هیچ زمان.
سین یقیلمه دینگ،
یقیلمه ی سن بوکون.
سین ینگیلمه دینگ،
ینگیلمه ی سن بوکون.
سین فقط ایشان اوزینگ گه پالوانیم،
سین فقط ایشان کوچینگ گه پالوانیم.
سین بابر سن، سین تیمور سن پالوانیم!
سین یوتوق نسلی، باتور سن پالوانیم!
10-ینچی جون – 2009
ایاغ آستیده بیز کؤپریک بؤله یلیک
محبت، سیوگیدن تاشیب تؤله یلیک
زماندن اجره لیب قالگن ملت نی
جهان قدریَت لریگه اوٌله یلیک
ملت نینگ قیغو، رنجینی پایله شیب
بیر نان یمیزنی ایککی گه بؤله یلیک
قچانگه چه مین و سین دیب، ایریلیب
بیزلیک گلشنیده مودرَب سؤله یلیک
کیل اونوت! میده- چویده نزاکت نی
بیزهم بیرله شیلیک، بیزهم کوله یلیک
17. می. 2009
مرمرین برماقلرینگده،
ایلنردیم، تاولنردیم.
ایچ، ایچیمدن
مین کویردیم، کویدیرردیم.
طاقتینگ تاق بولدی آخر
بیر چیکیم تنباکودیک تارتدینگ دَمینگگه باریچه
آتشیم سوندی، یوقالدی،
بیر توتم کول قولده قالدی.
قالدیقیم ینچیلدی،
إیزیلدی،
ایاغینگ آستیده.
بارلیگیم دود بولدی،
یهیره لدی
وجودینگ اوستیده.
سین کولیمسهی سن،
کیف چوقیسیده
هر کونی مینگلب کیشی نی،
مین کبی
یاندیرر سن،
کویدیررسن،
دود قیلرسن،
کول قیلرسن،
لیک باقرسن، کولرسن
ای!
ظالم فلک.
۱۲. می. ۲۰۰۹
